#اليوم العالمي للصحة النفسية 10 أكتوبر في اليوم دة نتذكر أن الصحة النفسية مابتقل أهمية

#اليوم العالمي للصحة النفسية 10 أكتوبر
في اليوم دة نتذكر أن الصحة النفسية مابتقل أهمية
عن الصحة الجسدية، وهي مارفاهية لكن من أساسيات الحياة، وإنه الكلام عن المشاعر ما ضعف بالعكس قوة وشجاعة. ولازم نعرف إنه أكتر الناس تعبيرا عن مشاعرها هم أكتر ناس مريحين في التعامل، ونكون فاهمين إنه طلب المساعدة خطوة شجاعة نحو التعافي والوصول للصحة النفسية.
كل إنسان بمر بتحديات وضغوط، لكن الأهم إنه ندي أنفسنا الرحمة، والراحة، والدعم البتحتاجه.
عشان كدة نخلي اليوم دة دعوة لأنفسنا ولمن حولنا إلى:
١/الكلام بصدق عن الحاجات البنشعر بيها.
٢/دعم الناس البتعاني وساكنة مابتعبر عن مشاعرها، نتفقدهم لأنه أحيانا الاكتئاب مابكون أعراضه واضحة زي ماهو متعارف عليه في كتير من الأحيان بكون الشخص بضحك وعادي لكن بكون مكتئب.
٣/نشر الوعي بأن (لابأس أن لاتكون بخير أحيانا) وعادي مرات بنكون في حالة مزاجية سيئة بس بنعدي الأوقات دي بالإيمان بالله والصبر ومحبة الناس الحوالينا.
/اعتني بنفسك عشان تكون قادر تراعي الناس البتحبهم لأنه في الطائرة عند نقص الأكسجين بطلبو من الشخص إنه يضع الأكسجين لنفسه عشان يقدر يساعد الآخرين .
٥/ إنك تعتني بعقلك دي مسؤولية يومية مابتقل أهمية عن العناية بقلبك.
في يوم الصحة النفسية العالمي مابنعتبر المناسبة دي مناسبة عابرة لكن هي دعوة عالمية للتأمل في واحد من أهم جوانب الوجود الإنساني ( الصحة النفسية)
في الختام عشان تعيش حياة نفسية سوية حاوط نفسك بناس مؤمنة بيك وبتحبك وداعمة ليك وخليك داعم ليهم مع أمنياتي للجميع بحياة مليئة بالسعادة والسواء النفسي
#للانضمام لمجموعة قروبات أجمل الأمثال والاغاني السودانية 0912260227 واتس